وزیراعظم محمد شہباز شریف نا ملائیشیا نا ہم منصب انور ابراہیم تون ہڑزخواہی
Get real time updates directly on you device, subscribe now.
اسلام آباد، وزیراعظم محمد شہباز شریف ملائیشیا نا وزیراعظم انور ابراہیم تون ٹیل فون آ اونا بھلاایلم نا کزیت آ ہڑزخواہی نا درشانی ءِ کرینے۔ پنچ شنبے نادے آوزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف ملائیشیا نا وزیراعظم انور ابراہیم تون ٹیل فون آ بھاز گرمجوشی و سنگتی نا چاگڑد اٹ ہیت و گپ کرے۔ وزیراعظم ملائیشیا نا وزیراعظم نا ایماندار ایلم نا بخشش کن دعا کرے و دا مشکل وخت اٹ وزیراعظم انور ابراہیم و اونا خاہوت کن صبر و حوصلہ نا دعا کرے۔ ملائیشیا نا وزیراعظم تینا ایلم نا کزیت آ ہڑزخواہی کننگ آ وزیراعظم محمد شہباز شریف نا منت واری ءِ ہرفسا اوڑکن نیک است خواہی تا درشانی ءِ کرے۔ ہڑتوم آ راہشونک پاکستان و ملائیشیا نا ہڑتوم آ کنڈآتا تعلقداری تے پین سوگو کننگ نا عزم انا درشانی ءِ کریر، خاص کر اقتصادی کمکاری نا بشخ اٹ تین پہ تینی کمکاری ءِ ودفنگ آ امنا کریر۔