السی ویل آتا ایسری کن دمدستی و بھرمی گام گیج کننگک،محمد رمضان پلال
غاو دیوان اٹ زالبول آک تینا ویل آتے دراست ڈپٹی کمشنر و تعلقدار محکمہ تا افسر آتا مون آ تخار
Get real time updates directly on you device, subscribe now.
استامحمد، استامحمد اٹی وزیراعلیٰ بلوچستان نا پارت نا رد اٹ ڈپٹی کمشنر محمد رمضان پلال نا کماشی ٹی گورنمنٹ گرلز ہائی اسکول استامحمد اٹی زالبول آتا غاو دیوان اڈ تننگا‘ غاو دیوان اٹ اسسٹنٹ کمشنر استامحمد ماریہ شمعون، ڈی ایس پی استامحمد داؤد کھوسہ، ڈسٹرکٹ آفیسر ایجوکیشن (فیمیل) قندیل، ڈسٹرکٹ ہیلتھ آفیسر استامحمد ڈاکٹر امیر علی، پرنسپل گورنمنٹ گرلز کالج نگہت جان، پرنسپل گورنمنٹ بوائز کالج عبیداللہ تون اوار کل تعلقدار لائن ڈیپارٹمنٹ آتا نمائندہ غاک بشخ ہلکر۔ غاو دیوان اٹ بھلو کچ اسے ٹی زالبول آک بشخ ہلکر و تینا ویل آتے دراست ڈپٹی کمشنر و تعلقدار محکمہ تا افسر آتا مون آ تخار۔زالبول آتا کنڈ آن شار انا سفائی، بینظیر انکم سپورٹ پروگرام (BISP)، سیکورٹی، دیر انا فراوانی، گورنمنٹ گرلز ہائی اسکول نا ماڑی نا بحالی، گرلز لائبریری، گرلز کالج نا ماڑی، گیس انا مفننگ‘ اسکول نا مون آ ٹریفک و چھٹی نا ویل و ودیکاری تون اوار السی ویل آتا نشاندہی کننگا۔ ڈپٹی کمشنر محمد رمضان پلال زالبول تا کنڈ آن پیش کروک ویل آتے سکوت اٹ خف تورے و ہند آ ساڑی تعلقدار محکمہ غاتا افسر آتے پارت کرے کہ السی ویل آتا ایسری کن دمدستی و بھرمی گام گیج کننگے و پیشرفت آن ضلعی انتظامیہ ءِ معلومدار کننگے۔ زالبول آتا غاو دیوان نا مسخت زالبول آتے اوفتا ویل آتا ایسری کن دراست ضلعی انتظامیہ و تعلقدار سرکاری محکمہ غاتسکان رسینگ گیگ فراوان کننگ و السی غاو تا وخت آ ایسری ءِ پک کننگ ءِ۔