تعلیمی ادارہ غاتیٹی طالب علم آتے دینی و اخلاقی ہیلکاری ہم تننگے‘مولانا ہدایت الرحمن
Get real time updates directly on you device, subscribe now.
کوئٹہ، امیر جماعت اسلامی بلوچستان و صوبائی اسمبلی نا باسک مولانا ہدایت الرحمن بلوچ کوئٹہ ٹی اڈ ہلوک نیشنل محسنِ انسانیت ﷺ کوئز کمپیٹیشن اٹی خاص انگا مہمان نا وڑ اٹ بشخ ہلک و تران کرسا پارے کہ سیرتِ رسول اکرم ﷺ مچ آ انسانیت کن پورو راہشونی و ورنا چین اکن عملی زند انا گچین نمونہ ءِ‘ کلچر نا پن آ ورناتا اسیجا رقص انا محفل مذمت ناقابل ءِ‘ اوفتا ننا کلچر تون ہچ تعقلداری اف‘ ورنا طالب علم آک سیرت طیبہ نا مطالعہ کیر و حضور اکرم ﷺ نا تعلیمات، کردار، اخلاق و اصول آتے تینا عملی زند انا بشخ جوڑ کیر۔ نیشنل محسن انسانیت ﷺ کوئز کمپیٹیشن آن ناظمِ صوبہ اسلامی جمعیت طلبہ بلوچستان احسان اللہ ناصر، ناظم کوئٹہ مقام اخوندزادہ عطا الرحمن، معتمد صوبہ ایاز خان کاکڑ، صدرِ صوبہ برہان صادق، ناظم قطبی ریجن رفیع اللہ کاکڑ، نگران سرکاری جامعات شاہد علی بھنگر و معتمد مقام نصیب اللہ خلجی تون اوار ایلو زموار آک ہم ساڑی ئسر۔