ڈسٹرکٹ ہیلتھ کمیٹی ضلع تمپ نا دیوان چیئرمین ہیلتھ کمیٹی و ڈپٹی کمشنر تمپ برکت بلوچ نا صدارت اٹی اڈ ہلک

تمپ، ڈسٹرکٹ ہیلتھ کمیٹی ضلع تمپ نا دیوان چیئرمین ہیلتھ کمیٹی و ڈپٹی کمشنر تمپ برکت بلوچ نا صدارت اٹی اڈ ہلک، دیوان اٹی ڈسٹرکٹ ہیلتھ آفیسر تمپ ڈاکٹر نوروز یعقوب، اسسٹنٹ کمشنر تمپ شے حق حیات، پی پی ایچ آئی نا ڈسٹرکٹ منیجر حاجی خان بلوچ و ایلو تعلقدار افسر آک بشخ ہلکر؛ دیوان نا نیام اٹی ڈسٹرکٹ ہیلتھ آفیسر تمپ ڈاکٹر نوروز یعقوب ضلع تمپ اٹی محکمہ صحت نا مجموعی کارکڑدگی، طبی آسراتی تا دستیابی و برجا سرجز آتآن تعلقدار ڈپٹی کمشنر ءِ تفصیلی بریفنگ تس؛ بریفنگ اٹی ای پی آئی پروگرام نا انڈر چناتا حفاظتی ویکسینیشن، جتا طبی بنجا آتیٹی ساڑی طبی آسراتی و ہسپتال تا وارڈ تا حالیت تا جاچ ءِ ہلنگا؛ داڑآن بیدس محکمہ صحت نا ملازمین تا حاضری و غیر حاضر عملہ نا برخلاف کننگوک آ انتظامی کارروائی آتآن بھی دیوان ءِ آگا? کننگا۔