مینا مجید بلوچ نا تربت نا متکن آ فٹبال اسپورٹس اسٹیڈیم آ کوزہ نا نوٹس
Get real time updates directly on you device, subscribe now.
تربت، صوبائی سلاہکار گوازی و ورنا باندات مینا مجید بلوچ تربت نا متکن آ فٹبال اسپورٹس اسٹیڈیم آ پاننگوک کوزہ نا حوال نا نوٹس ءِ ہلسا دمدستی جاست پاست نا پرمان کرے‘ تربت نا متکن آ اسپورٹس گراؤنڈ آ پاننگوک کوزہ و لینڈ مافیا نا سرجز آتتون تعلقدار سوشل میڈیا غا تالان مروک حوال آتا صوبائی سلاہکار گوازی و ورنا باندات مینا مجید بلوچ نوٹس ہلسا سیکرٹری گوازی وورنا باندات درا بلوچ ءِ باندات نا دمدستی و پورو جاست پاست نا پارت کرے‘ صوبائی سلاہکار مینا مجید بلوچ سیکرٹری گوازی ءِ پارت کرے کہ او ریونیو ڈیپارٹمنٹ نا تعلقدار افسر آتتون اوار ڈغار نا اصل وڑ‘ ملکیت و پاننگوک کوزہ تون تعلقدار راستکی تے مون آ اتے۔ مینا مجید بلوچ پیدوار کرے کہ گوازی تا پڑک ورناتا حق و السی میرات ءُ، اوفتے ہچ وڑ اٹ کوزہ مافیا ءِ تننگ نا موکل تننگپک۔