تدریسی سرجز آتے بھرم تروک کننگ کن کل وسیلہ غاتے کاریم اٹ اتنگے‘ ماہ نور برکت

اورماڑہ، اسسٹنٹ کمشنر اورماڑہ ڈاکٹر ماہ نور برکت گورنمنٹ بوائز مڈل اسکول گزی لین نا دورہ ءِ کرے۔ او استاد و طالب علم آتا حاضری، تدریسی و تعلیمی سرجز، اسکول نا انفراسٹرکچر و ساڑی بنداوی آسراتی تا جم جاچ ءِ ہلک۔ اسسٹنٹ کمشنر کلاس روم تا دورہ ءِ کرسا تعلیمی چاگڑد و طالب علم آتا تعلیمی سرجز نا جاچ ءِ ہلک و اسکول انتظامیہ ءِ پارت کرے کہ طالب علم آتے آب اٹو تعلیم نا فراوانی، حاضری ٹی گچینی و تدریسی سرجز آتے پین بھرم تروک کننگ کن کل ساڑی وسیلہ غاتے کاریم اٹ اتنگے۔ اسسٹنٹ کمشنر اسکول اٹی بنداوی آسراتی و انفراسٹرکچر تون تعلقدار باندات آتا ہم جاچ ءِ ہلک و تعلقدار کمامدار و انتظامیہ ءِ المی گام گیج و سروس ڈیلیوری ٹی گچینی کن پارت کرے۔ او پارے کہ تعلیمی ادارہ غاتیٹی گچین تعلیمی چاگڑد نا فراوانی ضلعی انتظامیہ نا اولیت آتیٹی اوار ءِ