السی باندات‘ غاو و خواست آتیا خاص چکار کننگے،ڈپٹی کمشنر نصیرآباد

نصیرآباد، ڈپٹی کمشنر نصیرآباد وریندر لعل نا کماشی ٹی اسہ اہم ءُ انٹرنل دیوان اس اڈ ہلک، ہراٹی مچ آ ضلع ٹی برجا جتاجتا انتظامی باندات‘ توئی و ہفتہ وار پیش رفت رپورٹ، سرکاری باندات نا وخت آ پوروی و السی ویل آتا ایسری تون تعلقدار گام گیج آتا جم جاچ ءِ ہلنگا۔ دیوان اٹی تعلقدار افسر و زموار کارندہ غااک بشخ ہلکر و تینا تینا بشخ آتتون تعلقدار پیشرفت، مون تروک ویل و آخبت نا لائحہ عمل نا بابت ڈپٹی کمشنر ءِ جم بریفنگ تسر۔ دیوان نا وخت آ جتا جتا سرکاری و انتظامی پورٹل تیا ساڑی باندات و اوفتا اسٹیس آتا جاچ ءِ ہلنگاوخت اس کہ پرائس کنٹرول، غاو دیوان پورٹل، عدالتی کیس، بازار تے ٹی ودیکاری‘ پدسلوک سرکاری چٹھی‘ السی غاوک، محکمہ غاتتون تعلقدار رپورٹسو ایلو اہم انتظامی باندات آتیا ہم خوڑتی اٹ سجفنگا۔ ڈپٹی کمشنر تعلقدار افسر آتیان ہر باندات نا ساڑی حالیت، پیشرفت و پدسلوک باندات نا سوب آتا بابت معلومداری دوئی کرے۔ دیوان اٹی دا ہیت آ ہم زور شاغنگا کہ کل سرکاری باندات آتے پک وخت ٹائم لائن نا رِد اٹ پورو کننگے،وخت اس کہ پدسلوک باندات آتے اولیتی بنداو تیا ایسر کرسا اوفتا پیشرفت تون تعلقدار رپورٹ آتے باقاعدگی اٹ پیش کننگے دا وخت آ جتا جتا انتظامی باندات نا پوروی ٹی اڑاند آتے اینک کننگ کن المی گام گیج آتیا ہم گپ وتران کننگا۔ ڈپٹی کمشنر وریندر لعل افسر آتے پارت کرے کہ السی وڑ انا باندات‘ غاو و درخواست آتیا خاص چکار کننگے و اوفتا ایسری کن بھرمی گام گیج آتے پک کننگے۔ او پارے کہ ضلعی انتظامیہ تون تعلقدار کل باندات آتے ٹی شفافیت، زمواری، وخت آ کارروائی و بھرمی مانیٹرنگ ءِ بنداوی اہمیت دوئی ءِ‘ ہندا سوب آن اسہ باندات اسے ٹی سٹی رے تے سگنگ مفک۔