اے سی جیونی طارق امام بلوچ تون شے آباد نا السی ڈَل و ماہی گیر تا اوڑدہی

جیونی، اسسٹنٹ کمشنر جیونی طارق امام بلوچ تون اونا دفتر اٹی شے آباد آن تعلقدار ڈل و ہندی ماہی گیر تا ڈَل جتا جتا اوڑدہی کریر۔ اوڑدہی تا وخت آ علاقہ نا ہندی ویل، السی گرج، بنداوی آسراتی و ماہی گیر آتے مون تروک ویل آتتون اوار اہم باندات آتیا جم گپ وتران کننگا۔ جیونی نا علاقہ شے آباد نا ڈل اسسٹنٹ کمشنر ءِ علاقہ نا ویل و السی گرج آتیان معلومدار کرے‘ وخت اس کہ ناکو غلام نبی نا کماشی ٹی ماہی گیر آتا ڈل ہندی ماہی گیر آتے مون تروک ویل، ماہی گیری تون تعلقدار باندات و ایلو گرج آتیان معلومدار کرے، دا وخت آ اسسٹنٹ کمشنر طارق امام بلوچ ہڑتوم آ ڈَل آتا کنڈآن پیش کروک ویل، سلاہ تے سکوت اٹ خف تورے۔