بارکھان اٹی امن وایمنی و سجفوک شونداری آتا بابت جرگہ اڈ ہلک
Get real time updates directly on you device, subscribe now.
بارکھان، بارکھان اٹی امن و ایمنی نا حالیت السی ویل و برجا و سجفوک شونداری ڈٹ آتا بابت اسہ اہم ءُ جرگہ اس اڈ ہلک، ہراٹی علاقہ نا جم حالیت و مون تروک ویل آتیا جم سجفنگا۔ جرگہ ٹی کمانڈنٹ کوہلو، لیفٹیننٹ کرنل بارکھان محمد یونس، ڈپٹی کمشنر بارکھان سعید الرحمن کاکڑ، ایس پی بارکھان عبدالحق، جتا جتا سیاسی جماعت آتا سرکڑدہ و نمائندہ، سرکاری افسر و قبائلی متبر آک بشخ ہلکر۔ جرگہ ٹی بارکھان اٹی امن وایمنی نا حالیت، الس ءِ مون تروک ویل، بنداوی آسراتی، روڈ‘ تعلیم، جانجوڑی و ایلو شونداری باندات آتا جاچ ءِ ہلنگا۔ شریدار آک علاقہ ٹی مدامگی امن نا برجائی و السی ویل آتا ایسری کن انتظامیہ، سیاسی سرکڑدہ‘ قبائلی متبر و الس نا نیام اٹی حوال و کمکاری ءِ پین بھرمی جوڑ کننگ آ زور شاغار۔