جعفر آباد اٹی نیاڑی تا ویل آتا معلومداری و ایسری کن غاو دیوان
Get real time updates directly on you device, subscribe now.
جعفرآباد، ڈپٹی کمشنر جعفرآباد خالد خان نا کوشست، وزیراعلیٰ بلوچستان میر سرفراز بگٹی، چیف سیکرٹری بلوچستان شکیل قادر خان نا پرمان و کمشنر نصیرآباد ڈویژن صلاح الدین نورزئی نا پارت آتا رد اٹ ضلع جعفرآباد اٹی اولیکو وار زالبول آتا ویل آتے معلوم کننگ و اوفتا گچین ایسری کن خصوصی غاو دیوان نا بست و بند کننگا، ہرا اسسٹنٹ کمشنر جھٹ پٹ دھیرج کالرا نا کماشی ٹی اڈ ہلک، ہراٹی ضلع نا مچ آ تعلقدار محکمہ غاتا افسر و نمائندہ غاک بشخ ہلکر۔ غاو دیوان اٹی جعفرآباد آن تعلق تخوک آک بھلو کچ اسے ٹی زالبول آک بشخ ہلکر و تعلیم، جانجوڑی، آبنوشی، سرکاری ملازمت آتیٹی زالبول آتا روا انگا بشخ، بینظیر انکم سپورٹ پروگرام اٹی پیش بروک آ خواری تا بابت ضلعی افسر آتے سرجم معلومدار کریر۔ دا وخت آ کل سوالی زالبول آتا غاو تے اسٹ اسٹ آ و شین اٹ بننگا، وخت اس کہ تعلقدار محکمہ غاتا افسر آک اوفتا ویل و غاو تیا ورندی تسر و گمانی ایسری نا بابت حوال تسر۔