کیسکونا سی ای ای مرزا اعزاز بیگ تون اے پی پی بیورو چیف نظر محمد نا اوڑدہی

کوئٹہ، کیسکونا چیف ایگزیکٹو آفیسر انجینئر مرزا اعزاز بیگ تون کوئٹہ پریس کلب نا سینئرممبر و سرکاری خبر رساں ادارہ ایسوسی ایٹڈ پریس آف پاکستان (اے پی پی) نا بیورو چیف نظر محمد اوڑدہی کرے۔ دا وخت آ ایگزیکٹو انجینئر میر عبدالسلام مینگل ہم ساڑی ئس۔ اوڑدہی نا وخت آ اے پی پی نا بیورو چیف نظر محمد، انجینئر مرزا اعزاز بیگ ءِ کیسکونا چیف ایگزیکٹو آفیسر نا عہدہ ءِ سنبھالنگ و پوسکن آ زمواری تے دوئی کننگ آ مبارکبادی تس و اوڑکن نیک است خواہی تا درشانی ءِ کرے۔ او اومیت درشان کرے کہ انجینئر مرزا اعزاز بیگ تینا کسبی لائخی، آزموندہ و گچین انتظامی لائخی تے کاریم اٹ اتسا ادارہ نا گچینی، صارف آتے گچین آسراتی تا فراوانی و بجلی نا بشخ اٹ پین گچین گام گیج کننگ کن تینا پبی کڑد ءِ ادا کیک۔ دا وخت آ تین پہ تینی استخواہی نا باندات و بلوچستان اٹ بجلی نا بابت چندی باندات آتیا ہم گپ و تران کننگا۔