یومِ دفاع و شہداء نا وخت آ کوئٹہ ٹی بنجائی دود اڈ تننگا

کوئٹہ، یومِ دفاع و شہداء نا وخت آ کوئٹہ ٹی بنجائی دود اس اڈ ہلک‘ ہراٹی گورنر بلوچستان جعفرخان مندوخیل، وزیراعلیٰ بلوچستان میر سرفراز بگٹی، کور کمانڈر بلوچستان لیفٹیننٹ جنرل راحت نسیم احمد خان و ایلو بڑزکو سول و عسکری کمامدار آک بشخ ہلکر۔ دود انا وخت آ پاک فوج انا سنبرینگوک دستہ شہید آتا یادگار سلامی پیش کرے، وخت اس کہ گورنر بلوچستان، وزیراعلیٰ بلوچستان، کور کمانڈر بلوچستان و ایلو سول و عسکری کمامدار آک شہید آتا یادگار آ پھل تخار و فاتحہ خوانی کریر۔ دا وخت آ شہید آتا قربانی تے خراجِ عقیدت پیش کرسا وطنِ عزیز نا رکھ، سلامتی و وتواجہی کن جان تے ندر کروک آ بہادر ورنا تے سلام پیش کننگا۔