پاک فضائیہ کچ اٹی کم مننگ آن پد ہم دشمن نا مقابلہ کننگ نا تینا روایت ءِ برجا تخانے، وزیراعظم
فضائیہ تدوک آ کیہی دہائی تیان فضائی معرکہ غاتیٹی تینا کسبی لائخی، چاہنداری و برتری ءِ منفینے‘ یومِ فضائیہ غا کلہو
Get real time updates directly on you device, subscribe now.
اسلام آباد، وزیراعظم محمد شہباز شریف پارینے کہ مچ آ قوم ءِ پاک فضائیہ آ گمر ءِ کہ او اسہ وار ولدا کچ اٹی کم مننگ آن پد دشمن نا مقابلہ کننگ نا تینا شانی آ روایت ءِ برجا تخانے، ہرا مدام آن اونا نمان پجار مسنے۔ یومِ فضائیہ، 07 September 2026 نا وخت آ کلہو اٹی وزیراعظم شہباز شریف پارے کہ اینو یومِ فضائیہ نا یاتگار وخت آ ای پاک فضائیہ نا کل افسر و ورنا تے اوفتا کسبی تاریخ نا وخت جوان کارکڑد آ خراجِ تحسین پیش کیوہ۔ پاک فضائیہ تدوک آ کیہی دہائی تیان فضائی معرکہ غاتیٹی تینا کسبی لائخی، چاہنداری و برتری ءِ منفینے۔ وزیراعظم پارے کہ دا پنی آ ادارہ قربانی، بہادری و کسبی چاہنداری نا گمر کڑزوک تاریخ تخک ہرا مدام قوم انا توار آ جیرت و بہادری تون لبیک پارینے۔