خضدار اٹی یومِ دفاع پاکستان نا رد اٹ ریلی اڈ تننگا
Get real time updates directly on you device, subscribe now.
خضدار، یومِ دفاع پاکستان نا وخت آ ضلعی انتظامیہ خضدار نا کنڈ آن ریلی اس اڈ تننگا‘ ہرانا کماشی ءِ ڈپٹی کمشنر خضدار عبدالرزاق ساسولی، کمانڈنٹ قلات اسکاؤٹس کرنل عرفان بنگش، ایس ایس پی خضدار دوستین دشتی، اسسٹنٹ کمشنر نال عبداللہ مینگل، شہری ایکشن کمیٹی خضدار نا صدر بشیر احمد جتک و اسسٹنٹ کمشنر کرخ سعید احمد زہری کریر۔ ریلی ٹی ضلعی انتظامیہ نا افسر آک، پولیس نا ضلعی سروک، سرکاری محکمہ غاتا افسر و کارندہ سیاسی و راجی شخصیت‘ طالب علم‘ استاد، سول سوسائٹی و زند انا جتا جتا بشخ آتیان تعلقدار بندغ آک بھلو کچ اسے ٹی بشخ ہلکر۔ ریلی نا شریدار آک قومی بیرک ہرفیسر و پاکستان نا سلامتی، سوگوی و شونہالی نا عزم انا درشانی ءِ کریر۔ دا وخت آ شریدر آک پاک فوج و ملک انا ایلو سیکورٹی ادارہ غاتا شہید و غازی تے خراجِ عقیدت پیش کریر۔