پنجگور، بی آر ایس پی رائز بلوچستان پروگرام نا پیش رفت نا جاچ دیوان
Get real time updates directly on you device, subscribe now.
پنجگور اٹی حکومت بلوچستان نا مالی کمک اٹ رائز بلوچستان پروگرام نا رد اٹ جائنٹ ڈسٹرکٹ ڈویلپمنٹ کمیٹی (JDDC) نا اہم ءُ دیوان اس ڈپٹی کمشنر آفس پنجگور اٹی ایڈیشنل ڈپٹی کمشنر پنجگور نظام رحیم نا کماشی ٹی اڈہلک‘ دیوان اٹی بی آر ایس پی (BRSP) رائز بلوچستان پروگرام نا کنڈ آن تدوک آ مسہ تُو انا پیشرفت و برجا السی سرجز آتا بابت جم بریفنگ تننگا۔ ڈسٹرکٹ کوآرڈینیٹر بی آر ایس پی مجاہد علی پروگرام نا مسہ تُو انا پیشرفت نا بابت جم حوال تس۔ وخت اس کہ ڈسٹرکٹ ایم اینڈ ای افسر سرتاج وحید پروگرام نا رِداٹ برجا کل سرجز و گام گیج آتا ٹک آتے کمیٹی نا مون آ تخا۔ دیوان اٹی ڈسٹرکٹ آئی ٹی آفیسر، تحصیلدار پنجگور، ڈسٹرکٹ اسپورٹس آفیسر، کشاری آفیسر، میڈیا نا نمائندہ و ضلع پنجگور نا جتا جتا ایل ایس اوز و سی بی اوز نا نمائندہ غاک بشخ ہلکر۔ دیوان نا وخت آ بی آر ایس پی رائز پروگرام نا رِداٹ برجا السی کاریم، شونداری ڈٹ و راجی آسودہی کن کروک گام گیج آتا جم جاچ ہلنگا۔ پنجگور (نامہ نگار)