قومی اسمبلی نا دیوان ءِ 21 ستمبر آ بٹنگ انگ نا فیصلہ
Get real time updates directly on you device, subscribe now.
اسلام آباد، قومی اسمبلی نا دیوان 21 ستمبر آ بٹنگ انگ نا فیصلہ کننگانے۔ حوالی نا رِداٹ وزارتِ پارلیمانی باندات بروک آ ہفتہ قومی اسمبلی نا دیوان ءِ بٹنگ انگ نا سمری ءِ تیار کرسا وزیراعظم آ راہی کیک۔ وزیراعظم نا منظوری آن پد سمری ءِ صدرِ مملکت آ راہی کننگک۔ ہرانا منظوری آن قومی اسمبلی نا دیوان باقاعدہ بٹنگ انگک۔ حوالی نارد اٹ بروک آ دیوان بھاز اہم مریک۔ ہراٹی حکومت نا کنڈ آن جتا جتا اہم کانود آتے ایوان اٹی پیش کننگ نا پک گمان ارے۔ دیوان اٹ کانود سازی تون اوار قومی اہمیت نا چندی باندات آتیا ہم شرہ کننگ نا اومیت ارے۔ حوالی نا رِداٹ حکومت نا کنڈ آن بروک آ دیوان کن کانود سازی تون اوار ایلو تعلقدار باندات آتے ہم گڈیکو دروشم تننگ نا عمل نا بناءِ کننگانے۔