پیپلز پارٹی حکومت سازی ٹی حکومت تون کمک کپک، سید نوید قمر

اسلام آباد، پاکستان پیپلز پارٹی نا راہشون سید نوید قمر پارینے کہ نن حکومت نا پورو سیوتی تو افن ولے اودے پدریسہ سپورٹ کننگ اٹی اُن، چاپ ہڑتوم آ دوتیٹ مریک اسٹ اٹ مفک۔ پیپلز پارٹی فیصلہ کرینے کہ ہراتم اسکان حکومتی کنڈ آن پیش رفت مفک‘ پیپلز پارٹی حکومت سازی ٹی حکومت تون کمک کپک۔ پارلیمنٹ ہاؤس اٹ میڈیا تون ہیت وگپ کرسا سید نوید قمر پارے کہ اسہ جماعت اسے نا گڑتیک مریر تو تانکہ اوفتے ایسر کننگپ ویل تون ہندن آن ہندن سلک۔ نن حکومت اسکان چندی غاو تے سر کرینن‘ اگہ نم پارے کہ نن کمک کین تو غاو تا دمدستی ایسری ہم بایدے پک کننگے۔ او پارے کہ ننا غاوک کشمیر گچین کاری‘ جج آتاتعیناتی‘ و ایلو اہم باندات آتیاٹو۔ حکومت داخس پاریسس کہ نما غاو تیا سجفنہ ولے حکومتی کنڈ آن غاو تیا ہچ ءُ گچین پیشرفت اس متنے۔