صدرِ زرداری نا ملائیشیا نا یوم آزادی آ حکومت و الس ءِ مبارکبادی

اسلام آباد، صدرِ مملکت آصف علی زرداری ملائیشیا نا 69 می آجوئی نا وخت آ ہموجاگہ نا حکومت و الس ءِ مبارکبادی پیش کرینے۔ دوشنبے نادے آایوانِ صدر نا پریس ونگ آن جاری بیان نا رداٹ ملائیشیا نا بادشاہ سلطان ابراہیم نا پن آ تینا مبارکبادی چٹھی ٹی صدرِ مملکت پارے کہ پاکستان و ملائیشیا نا اسیجائی قدر، اسیجائی عقیدہ، تین پہ تینی پت و کمکاری نا بنداو آ خڑکی و سنگتی تعلقدارک ءُ۔ او پارے کہ ہڑتوم آ ملک آتا نیام اٹ ہڑتوم آ کنڈآتا کمکاری واپار و زرکاری، تعلیم، دفاع، دودوربیدہ و السی کہول آ رابطہ غاتتون اوار چندی بشخ آتیٹی پدریسہ سوگو مننگ اٹی ءِ، صدر آصف علی زرداری دا پت انا درشانی ءِ کرے کہ پاکستان و ملائیشیا نا نیام اٹ کمکاری ہڑتوم آ ملک آتا تین پہ تینی فائدہ ٹی پین شون ہلیک، او ملائیشیا نا سرکڑدہ غاتیکن نیک استخواہی نا درشانی ءِ کرسا ملائیشیا نا الس کن امن، شونداری نا ریسہ کن دعا ہم کرے۔