بزرگ سیاستدان حاجی میر جمعہ خان بادینی نا کزیت آ ارمان

مل انا قبائلی شخصیت و ڈسٹرکٹ کونسل ممبر حاجی میر محمد مراد بادینی تینا ہڑزخواہی بیان اٹی نوشکے نا بزرگ سیاستدان، قبائلی و سیاسی راہشون بابائے نوشکے حاجی میر جمعہ خان بادینی نا کزیت آ ڈکھ و ارمان کرسا پارینے کہ بابائے نوشکے حاجی میر جمعہ خان بادینی نا کزیت آن نوشکے اسہ عظیم سیاسی و قبائلی شخصیت اسے آن محروم مس۔ او پارے کہ حاجی میر جمعہ خان بادینی نوشکے نا قدآور قبائلی و سیاسی راہشون تیٹی حساب مسکہ۔ ایماندار نوشکے ٹی سیاست تون اوار الس نا خذمت اٹی ہم مون مون اٹی ئس۔ اونا رحلت آن ہرا خورکی ودی مسنے او بھلو وخت اسکان پُر مفک۔ گڈسر اٹی او ایماندار نا درجہ غاتا بڑزی کن خصوصی دعا کرے کہ اللہ پاک ایماندار ءِ جنت الفردوس اٹ جاگہ ایتے و پدخاہوت ءِ صبر ایتے۔،مل (نمائندہ تلار)