ڈپٹی کمشنر اوستا نا کماشی ٹی گوٹھ غلام نبی خان جمالی خانپور اٹی غاو دیوان
Get real time updates directly on you device, subscribe now.
اوستہ محمد، ڈپٹی کمشنر اوستا محمد محمد رمضان پلال نا کماشی ٹی گوٹھ غلام نبی خان جمالی خانپور اٹی اسہ غاو دیوان اس اڈ ہلک‘ ہراڑے الس دراست تینا ویل آتیان ڈپٹی کمشنر ءِ معلومدار کرے۔ یات سلے کہ تدوک آدے وزیراعلیٰ بلوچستان میر سرفراز بگٹی و چیف سیکرٹری بلوچستان نا پارت آ السی ویل آتے اوفتا درگہ غا خف توننگ و اوفتا دمدستی و پورو ایسری کن ڈپٹی کمشنر اوستا محمد محمد رمضان پلال نا کماشی ٹی گوٹھ غلام نبی خان جمالی خانپور اٹی غاو دیوان اڈ تننگا‘ غاو دیوان اٹی ایڈیشنل ڈپٹی کمشنر محمد اسماعیل لاشاری، اسسٹنٹ کمشنر اوستا محمد محمد رمضان اشتیاق، ڈسٹرکٹ ہیلتھ آفیسر ڈاکٹر امیر علی تون اوار ضلع اوستا محمد نا کل تعلقدار ضلعی افسر، سیاسی و راجی شخصیت، شرفمند آ کشارگر‘ علاقہ نا متبر‘ پوریاگربرادری و چندی بشخ آتیان تعلقدار شاریک بھلو کچ اسے ٹی بشخ ہلکر۔