پمز واقعہ، زموار آتے اوفتا کروک نا سزاتننگے، سینیٹر جان محمد بلیدی

اسلام آباد، سینیٹر جان محمد بلیدی پمز اٹ پیش بروک واقعہ غا سینیٹ اٹی وتران کرسا پارے کہ دا واقعہ نا پورو و جوان جاست وپاست ءِ کرفنگے و بے پرواہی کروک زموار آتے پک کرسا اوفتے اوفتا کروک نا سزا تننگے۔ او پارے کہ دا ہُننگ نا گرج ءِ کہ نن بندغ آتا زند و اوفتا ویل آتا بابت اخہ سنجیدہ اُن۔ پمز کون آ اہم سرکاری ہسپتال اٹی دا وڑ انا واقعہ بھاز گڑتی نا سوب ءِ، ہراڑے پارلیمنٹ نا باسک، وزیر و سینیٹر آتتون اوار بھلو کچ اسے ٹی اہم شخصیت آک ہم درمان کن بریرہ۔ سینیٹر جان محمد پارے کہ ہسپتال نا سروک نا تقرری یا ترقی نا بابت پارلیمنٹیرین آتا کنڈآن اعتراض آتیان پد ہم بیوروکریٹک نظام ہندا وڑوڈول ءِ برجاتخنگ خواہک، ہرا است ہسونی ناسوب ءِ۔ او پارے کہ پارلیمنٹیرین آک ہم بنداوی وڑ اٹ ہندا سرکاری ہسپتال آتیا سیبو کیرہ، ہندا سوب آن اگہ دا وڑ انا ادارہ غاتیٹی ڈیوالئی یا ہیبدار انتظامی باندات مون آ برے تو اوفتا سختی اٹ نوٹس ءِ بایدے ہلنگے۔