الس ءِ دراخ جوڑ و آب اٹو طبی آسراتی فراوان کننگ محکمہجانجوڑی نا اولیکو اولیت ءِ‘ڈاکٹر علی اکبر لال

گوادر/ اورماڑہ، ایڈیشنل ڈسٹرکٹ ہیلتھ آفیسر و رورل ہیلتھ سینٹر (آر ایچ سی) اورماڑہ نا انچارج ڈاکٹر علی اکبر لال جانجوڑی نا بنداوی ہند (بی ایچ یو) بل اورماڑہ نا اناگت دورہ ءِ کرے، ہراڑے او ہند اٹی الس ءِ تننگوک طبی آسراتی، دارو کارندہ غاتا حاضری و ایلو طبی باندات آتا جم جاچ ءِ ہلک۔دا وخت آ ڈاکٹر علی اکبر لال طبی کارندہ غاتے پارت کرے کہ ناجوڑ آتے وخت آ و آب اٹو طبی آسراتی تا فراوانی ءِ امر کہ مرے پک کننگے، دارو نا ساڑی گری ءِ پدریسہ برجا تخنگے و جانجوڑی ہند ٹی سفائی تون اوار کل بنداوی آسراتی تے پین جوانی نا کنڈ آ دننگے۔ او پارے کہ مُر انگا علاقہ غاتا الس ءِ جانجوڑی نا بنداوی آسراتی تے اوفتا درگہ غا فراوان کننگ جانجوڑی محکمہ اولیکو اولیت آتے ٹی ءِ۔