گورنمنٹ گرلز ڈگری کالج گوادر اٹی 4 دے ئی ہیلکاری سیشن اس اڈ تننگا
Get real time updates directly on you device, subscribe now.
گوادر، گوادر نا مسڑ طالب علم آتے پوسکن آ دور انا گرج آتتون ہم گرنچ کننگ کن بلوچستان یوتھ ڈویلپمنٹ پروگرام نا رِداٹ گورنمنٹ گرلز ڈگری کالج گوادر اٹی اسہ 4 دے ئی ہیلکاری سیشن اس باقاعدہ اڈ تننگا، ہرا 25 August آن 28 August اسکان برجا سلک۔ محکمہ گوازی وورنا باندات بلوچستان نا کنڈآن اڈ ہلوک دا ہیلکاری پروگرام وزیراعلیٰ بلوچستان میر سرفراز احمد بگٹی نا ورنا چین ءِ واکدار جوڑ کننگ و اوفتے روزگار و عملی زند اکن تیار کننگ نا گچین آ وژن نا اسہ اہم ءُ بشخ اسے، ہرا نا مچ آ چاروکی ءِ سلاہکار وزیراعلیٰ گوازی و ورناباندات مینا مجید بلوچ تینٹ کننگ اٹی ءِ‘ دا جم ورکشاپ نا وخت آ مسڑ طالب علم آتے سرکڑدہی‘ بھرمی ابلاغ‘ کاروباری و کسبی لائخیک سی وی (CV) نا جوڑجاڑ و انٹرویو نا پورو تیاری تون اوار کیہی اہم عملی چاہنداری و گام گیج آک جوان وڑ اٹ ہیل تننگار۔