سیوی عاشقِ رسول ﷺ آک آقائے دو جہان حضرت محمد مصطفیٰ ﷺ تون مہر و عقیدت نا درشانی کن جلوس و ریلی اڈ تسر
Get real time updates directly on you device, subscribe now.
سیوی، 12 ربیع الاول نا وخت آ سیوی ٹی عاشقِ رسول ﷺ آک آقائے دو جہاں حضرت محمد مصطفیٰ ﷺ تون تینا عقیدت و مہر انا درشانی کن ٓ مذہبی جلوس و ریلی اڈ تسر۔ دا وخت آ ضلعی انتظامیہ سیوی نا کنڈ آن مچ آ شار اٹی امن و ایمنی نا برجا تخنگ و شاری تا جان و مال انا پورو رکھ اکن سیکورٹی نا فول پروف و جم بست و بند پک کننگاسس۔کمشنر سیوی ڈویژن اسداللہ فیض، ڈپٹی کمشنر سیوی میجر (ر) الیاس کبزئی و ایس ایس پی سیوی عبدالحمید تینٹ سیکورٹی نا بست و بند نا پدریسہ چاروکی ءِ کریر، وخت اس کہ ضلعی انتظامیہ، پولیس و ایلو کانود نافذ کروک ادارہ غاتا افسر و کارندہ غاک جلوس آتا پن کروک روٹ وایلو ہند آتیا تینٹ ساڑی مرسا سیکورٹی نا حالیت آتا پدریسہ چاروکی ءِ کریر و بشخ ہلوک شاری تے پورو رکھ فراوان کریر۔