بختیارآباد اٹی عئیدمیلادالنبیﷺ مذہبی عقیدت اٹ اڈ تننگا
Get real time updates directly on you device, subscribe now.
بختیارآباد (آن 12 ربیع الاول نا متبر و برکتی وخت آ بختیارآباد اٹی عاشقِ رسول ﷺ نا کنڈ آن مذہبی جلوس اڈ تننگا‘ دا جلوس غوثیہ مسیت آن بنا کرے ہرا جتا جتا کسر و شاہراہ تیان مرسا المکہ پیٹرول پمپ آ سرمس و ہموڑے ایسر مس جلوس اٹی سد آ عاشقِ رسول ﷺ آک بشخ ہلکر۔ دا وخت آ ترانکار آک تینا تران اٹ حضورِ اکرم ﷺ نا سیرتِ طیبہ و اوﷺ نا تعلیمات آتیا خوڑتی اٹ ہیت کریر۔ داوخت آ ضلعی انتظامیہ نا کنڈ آن جلوس نا پن مروک کسر آ سیکورٹی نا فول پروف بست و بند کننگاسس۔پولیس و ایلو تعلقدار تعلقدار ادارہ غاتا کارندہ غاک سیکورٹی زمواری تے سر تسر، وخت اس کہ جلوس نا چاروکی و بشخ ہلوک شاری تا رکھ اکن خاص گام گیج کننگاسس۔