ڈی سی چمن نا کماشی ٹی ڈسٹرکٹ ڈویلپمنٹ کمیٹی نا دیوان
Get real time updates directly on you device, subscribe now.
چمن، ڈپٹی کمشنر چمن حبیب احمد بنگلزئی نا کماشی ٹی ڈسٹرکٹ ڈویلپمنٹ کمیٹی نا اہم ءُ دیوان اس اڈ ہلک، ہراٹی ضلع مچ نا تعلقدار محکمہ غاتا سروک و افسر آک بشخ ہلکر۔ دیوان اٹی برجا و پورو مروک شونداری ڈٹ آتا جم جاچ ءِ ہلسا آخبت نا لائحہ عمل آ پورو سجفنگا۔ دیوان اٹی خاص وڑ اٹ بلوچستان اسپیشل ڈویلپمنٹ انیشی ایٹو (BSDI) نا فیز 2 و فیز 3 نا رِد اٹ برجا و پورو مروک ڈٹ آتیا تعلقدار افسر آتا کنڈآن جم بریفنگ تننگا۔ افسر آک تینا تینا محکمہ غاتا کارکڑد، ڈٹ آتا پیشرفت و مون تروک ویل آتیان دیوان ءِ معلومدار کریر۔ داوخت آ زور شاغنگا کہ کل شونداری ڈٹ آتے پک کروک وخت اٹ پورو کننگ تون اوار اوفتا تفوئی آب ءِ ہم امر کہ مرے پک کننگے۔ و ڈٹ آتا پوروی ٹی ہچ ءُ وڑ اسے نا ڈیوالئی یا سستی سگنگ مفک۔