پاکستان و ملائیشیا نا دہشت گردی نا برخلاف اسیجائی کمکاری ءِ پین ودفنگ آ امنا
Get real time updates directly on you device, subscribe now.
اسلام آباد،صدرمملکت آصف علی زرداری تون ملائیشیا نا وزیرِ داخلہ سیف الدین نصوتیون بن اسماعیل اوڑدہی کرے، ہراٹی ہڑتوم آ ملک تا نیام اٹی تین پہ تینی تعلقداری و ادارہ ئی رابطہ غاتے پین سوگو کننگ و ہڑتوم آ کنڈ انا واپاری شونداری جم گپ وتران کننگا۔ دا وخت آ صدرمملکت آصف علی زرداری پارے کہ ملائیشیا ٹی پاکستانی برنج‘ پٹاٹہ‘ غلہ پولٹری و ساہدار تا کِنشت نا بھلو خواست اس ارے۔ ایلو کنڈ آ ملائیشیا نا وزیرِ داخلہ بنجائی وزیرِ داخلہ محسن نقوی تون ہم اوڑدہی کرے‘ ہراٹی ڈل آتا کہول آ مروک مذاکرات اٹی اسیجائی ورکنگ گروپ جوڑ کننگ نا فیصلہ کننگا۔ دا وخت آ بنجائی وزیرِ داخلہ محسن نقوی پارے کہ ورک کوٹہ نا ودنگ آن پین پاکستانیک کانودی وڑ اٹ ملائیشیا غا ہننگ کیرہ۔