بنجائی حکومت نا کنڈ آن پیٹرول و ہائی اسپیڈ ڈیزل نا نہاد آتیٹی پین ودکی نا پڑو
Get real time updates directly on you device, subscribe now.
بنجائی حکومت پیٹرول و ڈیزل نا نہاد آتیٹی پین ودکی نا باقاعدہ پڑو ءِ کرینے۔ پیٹرولیم مصنوعات نا پوسکن آ نہاد آتا نوٹیفکیشن جاری کننگانے ہرا نا رِد اٹ پیٹرول و ڈیزل نا نہاد آتے ودفنگانے۔نوٹیفکیشن نا رِد اٹ حکومت نا کنڈ آن پیٹرول نا فی لیٹر نہاد اٹی 3 روپئی 81 پیسہ نا ودکی کننگانے، ہراڑآن پد پیٹرول نا پوسکن آ نہاد 341 روپئی 59 پیسہ مقرر کننگانے۔ایلو کنڈ آ حکومت نا کنڈ آن ہائی اسپیڈ ڈیزل نا نہاد اٹی 3 روپئی 59 پیسہ نا ودکی کننگانے ہراڑآن پد ہائی اسپیڈ ڈیزل نا پوسکن آ نہاد 368 روپئی 29 پیسہ مقرر کننگانے۔ پیٹرولیم ڈویژن نا کنڈ آن جاری کروک آ نوٹیفکیشن نا رِد اٹ پیٹرولیم مصنوعات نا دا پوسکن آ نہاد آک 24 اگست اسکان برجا سلور۔