گورنر بلوچستان جعفر خان مندوخیل امریکی شار ہیوسٹن نا دورہ ءِ کرے

گورنر بلوچستان جعفر خان مندوخیل امریکی شار ہیوسٹن نا دورہ ءِ کرے۔ دا وخت آ او جناح لائبریری آ ہم ہنا، ہراڑے پنی آ پاکستانی نژاد امریکی بزنس مین تنویر احمد و ڈاکٹر آصف قریر اودے جم و جوش اٹ بخیرکریر۔ گورنر ہاؤس نا ترجمان نا رداٹ جعفر خان مندوخیل جناح لائبریری نا جتا جتا بشخ آتا دورہ ءِ کرے و ہراڑے اودے لائبریری ٹی ساڑی کتاب، علمی کوڑی و کمیونٹی کن فراوان کروک آ آسراتی تا بابت معلومدار کننگا۔ گورنر لائبریری ٹی زرس وخت گدریفے و ہموڑے کتاب و جم آسراتی تیٹی خاص است خواہی نا درشانی ءِ کرے۔ او پیشن ملک پاکستانی کمیونٹی نا کنڈآن علم، تعلیم و پوسکن آ چین ءِ تینا تاریخ و دودوربیدہ تون گنڈنگ کن کروک آ کوشست آتا ستاءِ کرے۔ گورنر بلوچستان جناح لائبریری نا جوڑ کننگ و اودے اسہ گچین ءُ علمی و کمیونٹی پلیٹ فارم اس جوڑ کننگ نا کوشست آتا ستاءِ کرسا تنویر احمد و ڈاکٹر آصف قریر نا خذمت آتا ہم ستاءِ کرے۔