چاغی بازار اٹ منشیات نا پاش آن پاش بہا مننگ آ الس نا گڑتی
Get real time updates directly on you device, subscribe now.
چاغی مین بازار پرانہ قصاب اٹی منشیات پاش آن پاش بہا مننگ اٹی ءِ‘ سہب انا وخت آ منشیات نا عادتی بندغ آک آسانی اٹ منشیات ہلیرہ‘ چاغی پولیس فورس نوٹس ہلے۔ حوال نارد اٹ چاغی بازار قصاب گلی ٹی نشہ ئی گڑا تا کاروبار زیارت مسنے‘ ہرانا سوب آن ورنا و چنکا کودک آ چناک ترندی اٹ نشہ نا عادتی مننگ اٹی ءُ۔ چاغی بازار قصاب گلی نا تہٹی ساقی خانہ غاک ٹہیفنگانو ہراڑے نشہ ئی بندغ آک پاش آن پاش منشیات کاریم اٹ اتیرہ۔ السی تپہ غاک ایس پی چاغی، ڈی ایس پی چاغی محمد یسین و ایس ایچ او چاغی عبدالستار سمالانی آن نوٹس ہلنگ نا خواست کرسا پارینو کہ چاغی بازار قصاب گلی ٹی منشیات نا اڈہ غاتے دمدستی چٹفنگے۔ چاغی (نامہ نگار)