ہاکی ورلڈ کپ 2026ء: بھارت پاکستان ءِ کٹسا ورلڈ کپ نا جنگ آن پیشن کرے
Get real time updates directly on you device, subscribe now.
بھارت پاکستان ءِ 3-5 اٹک کٹسا ہاکی ورلڈ کپ 2026ء آن پیشن کرے۔ نیدرلینڈز و بیلجئیم اٹی گوازی کننگوک آ ہاکی ورلڈ کپ 2026ء اٹی پاکستان ہاکی ٹیم ءِ تینا مسہ میچ آتیٹی ارٹمیکو شکست آن پد بروک آ ریسہ غا ہننگ کن جاگہ دوئی مننگ کتو۔انگلینڈ نا برخلاف 1-4 اٹ شکست سگنگ و ویلز نا مونی 3-3 گول اٹ میچ برابر گوازی کننگ آن پد گروپ ”ڈی” اٹی روایتی حریف بھارت نا برخلاف سرسہبی ہی پاکستان ءِ ناک آؤٹ ریسہ غا رسیفنگ کریکہ، ولے ایمسٹلوین اٹی ابو بکر نا کماشی ٹی پاکستان ہاکی ٹیم بھارت نا برخلاف میچ نا بنا آن ہی سخت آ دباؤ نا گواچی خننگا۔