نیب بلوچستان نا کنڈ آن ‘وڈی خوری نا برخلاف طالب علم آتا کڑد’ آ لیکچر
Get real time updates directly on you device, subscribe now.
کوئٹہ، نیب بلوچستان نا لیڈرز اوڈیسی اسکول اینڈ کالج کوئٹہ ٹی “وڈی خوری نا برخلاف طالب علم آتا کڑد“ انا سرحال آ سُج پام لیکچر نا بست و بند، وڈی خوری نا برخلاف برجا سُج پام مہم نا رد اٹ نیب بلوچستان لیڈرز اوڈیسی سکول اینڈ کالج کوئٹہ ٹی “وڈی خوری نا برخلاف طالب علم آتا کڑد و نیب انا کاریم نا وڑ و ڈول” نا بابت اسہ سُج پام لیکچر اسے نا بست و بند کرے۔ لیکچر نا بنداوی مسخت ورنا تے خاص وڑ اٹ طالب علم آتے وڈی خوری نا زہم تیان معلومدار کننگ و وڈی خوری آن پاک راج انا جوڑ کننگ کن اسیجائی کوشست آتے شون تننگ ئس۔ نیب بلوچستان نا کنڈ آن فرحان یوسف خان ڈپٹی ڈائریکٹر نیب طالب علم و فیکلٹی تون ہیت وگپ کرسا نیب انا وژن، مشن و وڈی خوری نا ناچوڑ نا برخلاف طالب علم آتا اہم کڑد آ گپ وتران کرے۔