حوثیک بحیرہ احمر اٹی آبنائے باب المندب ءِ بند کننگ آ سجفنگ ءُ

یمن نا حکومت پارینے کہ حوثیک بحیرہ احمر اٹی آبنائے باب المندب ءِ بند کننگ آ سجفنگ نابناءِ کرینو، یمن نا وزیر حوالکاری خبردار کرے کہ ایران نا کمک اٹ حوثیک کرکی علاقہ غاتیٹی تینا ساڑی گری ءِ ودفنگ اٹی ءُ و بحیرہ احمر اٹی اہم یمنی جزیرہ غاتیا کنٹرول دوئی کننگ نا کوشست کننگ اٹی ءُ تاکہ باب المندب ءِ بند کننگ کن حالیت آتے جوان جوڑ کننگے۔ او پارے کہ حوثی تا کنڈ آن فوجی تیاری تیٹی ودکی کننگانے وخت اس کہ بندرگاہ، شاری تنصیب، بحری جہاز و حکومتی بحری لائخی تے وار وار آ شست کننگ اوفتا ڈٹ آتے پک کیک۔