ڈپٹی کمشنر نصیر آباد وریندر لعل نا چندی دفتر آتا دورہ
Get real time updates directly on you device, subscribe now.
ڈپٹی کمشنر نصیر آباد وریندر لعل پی ایس منظور شیرازی تون اوار ضلعی انتظامیہ نا چاروکی ٹی کاریم کروک جتا جتا بشخ و دفتر آتا جم دورہ ءِ کرے، دا وخت آ او جتا جتا بشخ آتیٹی برجا دفتری بانادت‘ ریکارڈ نا چاروکی، کارندہ غاتا حاضری و الس ءِ فراوان کروک آسراتی تا جاچ ءِ ہلک۔ ڈپٹی کمشنر جتا جتا بشخ آتا افسر و کارندہ غاتتون اوڑدہی کرے و اوفتیان اوفتا زمواری، ہڑدے ئی دفتری باندات و السی وڑ انا باندات آتا بابت معلومداری دوئی کرے۔ او افسر و کارندہ غاتیان سوج کرے کہ الس ءِ مون تروک ویل آتا ایسری ٹی ہرا خواری مون تروئی تمنگ اٹی ءِ و دفتری باندات آتا پوروی نا وخت آ ہرا ویل واڑاند نا سوب مننگ اٹی ءُ۔ او پیدوار کرے کہ ضلعی انتظامیہ نا اولیکو اولیت الس ءِ وخت آ و شفاف وڑ اٹ سرکاری خذمت آتا فراوانی و اوفتا ویل آتا دمدستی ایسری ءِ۔