ڈپٹی کمشنر کیچ انا کماشی ٹی ڈسٹرکٹ ایجوکیشن گروپ نا دیوان
Get real time updates directly on you device, subscribe now.
تربت، ڈپٹی کمشنر کیچ یاسر اقبال دشتی نا کماشی ٹی ڈسٹرکٹ ایجوکیشن گروپ نا اہم ءُ دیوان اس اڈ ہلک، ہراٹی ضلع کیچ اٹی تعلیمی باندات استاد آتا حاضری، اسکول آتے مون تروک ویل و طالب علم آتے جوان تعلیمی چاگڑد نا فراوانی نا بابت چندی باندات آتا جاچ ءِ ہلنگا۔ دیوان اٹ اسسٹنٹ کمشنر تربت محمد حنیف کبزئی، ڈسٹرکٹ ایجوکیشن آفیسر کیچ امجد شہزاد، ڈی او ای کیچ اصغر علی، گورنمنٹ گرلز ماڈل ہائی اسکول تربت نا پرنسپل زمرد واحد، ڈگری کالج تربت نا پرنسپل صغیر احمد، یونیسیف نا فیض الرحمن، آر ٹی ایس ایم نا حلیم بلوچ، کل تحصیل آتا ڈی ڈی اوک، محکمہ خزانہ نا نمائندہ، این آر ایس پی نا نمائندہ تون اوار ایلو تعلقدار افسر آک ساڑی ئسر۔ دیوان نا بناٹی ڈسٹرکٹ ایجوکیشن آفیسر کیچ امجد شہزاد محکمہ تعلیم نا جم حالیت، تعلیمی ادارہ و ایلو تعلقدار باندات آتا بابت دیوان ءِ جم حوال تس۔