ماڈرنائزیشن نا کنڈ آ حب ماسٹرپلان اہم ءُ ڈٹ اسے، اسُل سلپ،کمشنر لسبیلہ ڈویژن

کمشنر لسبیلہ ڈویژن سائرہ عطاء نا کماشی ٹی لیڈا کانفرنس ہال اٹی حب ماسٹر پلان و سیف سٹی پروجیکٹ نا بابت اسہ اہم ءُ دیوان اس اڈ ہلک۔ دیوان اٹی ڈی آئی جی لسبیلہ رینج عبدالقیوم پتافی، ڈپٹی کمشنر حب جمعدار مندوخیل، ایس ایس پی لسبیلہ نجیب اللہ پندرانی، ایس ایس پی حب رزاق بلال حسن، چیئرمین ایم سی حب گل حسن محمد حسنی، میونسپل کارپوریشن نا انجینئر، کنسلٹنٹ فرم نا نمائندہ و اسسٹنٹ کمشنر اوتھل بشخ ہلک۔ ڈی سی حب جمعدار مندوخیل و پی ڈی حب ماسٹر پلان ارباب ایوب کاسی ماسٹر پلان پروجیکٹ نا بابت کمشنر ءِ بریفنگ تسر۔ کمشنر سائرہ عطاء بریفنگ نا وخت آ تران کرسا پارے کہ پوسکنوڑی نا کنڈ آ حب ماسٹر پلان اہم ءُ ڈٹ اسے ہراٹی شاری آبادی ءِ آسراتی تا فراوانی نا فزیبلٹی اوار ءِ۔ ماسٹر پلان پروجیکٹ آ کاریم ہچ ءُ وڑ اسے ٹی سلپ۔ کمشنر سائرہ عطاء پارے کہ اخس کہ فنڈ جاری مسنو، ماسٹر پلان اٹی اوار ڈٹ آتا فزیکل و فنانشل پروگریس نا او تینٹ جاچ ءِ ہلیک‘ شونداری ڈٹ آک ملٹی میڈیا غا آخا بلکن ڈغار آ خننگر۔ کمشنر لسبیلہ ڈویژن سائرہ عطاء پارت کرے کہ پروجیکٹ نا گرج آتا رِد اٹ فنڈ آتا جاری مننگ اسکان سڑک آتا پرغنگ نا کاریم بنا کننگپ۔ پروجیکٹ ڈائریکٹر ماسٹر پلان بریفنگ اٹی پارے کہ حب انا شاری آبادی نا 30 درسَد صنعتی و 70 درسَد شاری و کشاری علاقہ غاتیا تالان ءِ۔ ماسٹر پلان نا فیز ون اٹی 6 پروجیکٹ اوار کننگانو۔ او پارے کہ حب ماسٹر پلان نا 6 بلین نا پروجیکٹ کن ساڑی سال 14 کروڑ فنڈ انا منظوری مسنے۔ حب سٹی نا پترینگ گیگ آ گیٹ و پوسکنوڑ بس ٹرمینل تفنگ انگ ءِ۔ انٹر سٹی بس ٹرمینل نا فاؤنڈیشن و گرین ایریا ماسٹر پلان نا بشخ ءِ۔ ڈپٹی کمشنر حب جمعدار مندوخیل بریفنگ اٹی پارے کہ 2 بلین نا خڑچ آن ڈی سی کمپلیکس حب و آفیسر کالونی آ کاریم برجا ءِ۔ ڈی سی کمپلیکس نا 40 درسَد فزیکل و 32 درسَد فنانشل پروگریس مسنے، وخت اس کہ آفیسرز کالونی نا 30 درسَد فزیکل و 20 درسَد فنانشل پروگریس مسنے۔ آر سی ڈی ہائی وے نا 5 کلومیٹر دنگ اٹی کشنگ (ڈرینیج) و سیوریج ڈٹ آتیا کاریم برجا ءِ۔ پروجیکٹ ڈائریکٹر ارباب ایوب کاسی پارے کہ سروس کوریڈور ہڑتوم آ کنڈ آتیان بحریہ ٹاؤن نا وڑ آ ڈیزائن کننگانے۔ آخبت نا گرج آتے مون آ تخسا انڈر گراؤنڈ الیکٹرک کیبل آ کاریم برجا ءِ۔ اولیکو ریسہ ٹی سیوریج، واٹر سپلائی و ڈرینیج وخت اس کہ ارٹمیکو ریسہ ٹی روڈ انا بلیک ٹاپنگ تون اوار اے ڈی سی جمعدار مندوخیل و پی ڈی ارباب ایوب کاسی پارے کہ جون 2026ء اسکان ڈٹ آتا پوروی فنڈ آتا فراوانی تون گنڈوک ءِ۔ جام غلام قادر اسٹیڈیم اٹی پوسکنوڑ اسپورٹس کمپلیکس ڈیزائن کننگانے۔ آر سی ڈی ہائی وے آ بس اسٹینڈ و زالکار آتیکن جم و پارک نا تفنگ آ زُوت کاریم بنا مریک۔