شونداری ڈٹ آک پک مروک آ وخت آن مست پورو کننگر، بابر خان
Get real time updates directly on you device, subscribe now.
کوئٹہ، سیکرٹری مواصلات و تعمیرات بابر خان نا کماشی ٹی بلوچستان سوشیو اکنامک ڈویلپمنٹ پروجیکٹس نا روڈ سیکٹر فیز ون و ٹو نا پیش رفت نا جاچ دیوان اڈ ہلک۔ دیوان اٹی پروجیکٹ کوآرڈینیٹر شہزاد حسن جعفر، چیف انجینئر قلات و خضدار زون عزیز اللہ کاسی، چیف انجینئر نصیر آباد زون محمد بشیر ناصر، ٹیکنیکل ایڈوائزر احسان اللہ خان دوتانی و جھل مگسی، شیرانی، گوادر، خضدار، نوشکے، پنجگور، ژوب، واشک و آواران نا ضلعی انجینئر و افسر آک بشخ ہلکر۔ دیوان اٹی روڈ سیکٹر فیز ون و ٹو نا کل شونداری ڈٹ آتیا پیش رفت نا بابت بریفنگ تننگا۔ دیوان آن تران کرسا سیکرٹری مواصلات و تعمیرات بابر خان پارے کہ برجا شونداری ڈٹ آتے تینا مالی سال اٹ پک مروک وخت آن مست پورو کننگ محکمہ مواصلات و تعمیرات نا اولیکو اولیت ءِ۔