ڈپٹی کمشنر دکی نا کبینی و ناروا کٹیا کاری نا برخلاف کریک ڈاؤن

دکی، ڈپٹی کمشنر دکی فضل الرحمن کبدانی نا پارت آ اسسٹنٹ کمشنر لونی فتح خان بنگلزئی دکی بازار نا دورہ ءِ کرے، ہراڑے جتا جتا دکان، پولٹری شاپ و قصاب آتا دکان تا جاچ ءِ ہلنگا‘ دا وخت آ ککڑ‘ سُو و ایلو المی گڑا تا نہاد، پن کروک نہاد‘ کبینی ناروا کٹیا کاری و سفائی نا حالیت نا جاچ ءِ ہلنگا۔ اسسٹنٹ کمشنر دکاندار آتے پک کروک نہاد آتے ٹی پابندی ءِ پک کننگ، نہاد لڑ تے پاش ہند آتیا خلنگ، سوو ککڑ بہا کننگ نا وخت آ جانجوڑی نا اصول آتیا عملدرآمد و دکان آتا ایب کیب اٹی سفائی حالیت ءِ برجا تخنگ نا پارت کرے۔ جاچ انا وخت آ پک کروک نہاد آتا خلاف ورزی و سفائی نا ہیبدار بست و بند آ منہ دکاندار ءِ ڈنڈ کننگا وخت اس کہ ایلوفتے وارننگ جاری کننگا۔ اسسٹنٹ کمشنر پیدوار کرے کہ الس ءِ پک کروک نہاد آتیا آب اٹنگاگڑا تا فراوانی و سفا انگا چاگڑد ءِ پک کننگ کن بازار نا چاروکی نا عمل برجا سلک۔