حکومتی پروگرام آتا بھرم الس اسکان رسیفنگ المی ءِ،کمشنر کوہ سلیمان

کمشنر کوہ سلیمان ڈویژن مجیب الرحمن قمبرانی تون زونل ڈائریکٹر بینظیر انکم سپورٹ پروگرام (بی آئی ایس پی) نارتھ زون ڈاکٹر اکبر خان ناصر و اسسٹنٹ ڈائریکٹر ظفر حیات اوڑدہی کرے۔ اوڑدہی نا وخت آ بی آئی ایس پی نا رِد اٹ برجا جتا جتا پروگرام، حقدار خاہوت آتے فراوان کروک مالی کمک و الس ءِ مون تروک ویل آتا ایسری تون اوار پروگرام نا بھرمی وڑاٹ عملدرآمد نا بابت خوڑتی اٹ گپ وتران کننگا۔ داوخت آ کمشنر مجیب الرحمن قمبرانی پارے کہ حقدار بندغ آتسکان حکومتی کمکی پروگرام آتابھرم آتے سفا و بھرمی وڑاٹ رسیفنگ المی ءِ۔ او تعلقدار کمامدار آتیا زور شاغا کہ بی آئی ایس پی نا بابت السی غاو تا ایسری و حقدار آتے آسراتی تا فراوانی کن کل گمانی گام گیج پک کننگے۔