ڈپٹی کمشنر اوستا محمد نا کماشی ٹی ربیع الاول نا سیکورٹی حالیت آتا جاچ دیوان
Get real time updates directly on you device, subscribe now.
اوستا محمد ، ربیع الاول نا مقدس و برکتی آدے تا وخت آ اڈ ہلوک محافلِ میلاد، جلوس و ایلو مذہبی مچی تا رد اٹ سیکورٹی‘ سَفائی نا حالیت‘ طبی آسراتی و ایلو بست و بند آتا جاچ ءِ ہلنگ کن ڈپٹی کمشنر اوستا محمد نا کماشی ٹی اسہ اہم ءُ دیوان اس اڈ ہلک۔ دیوان اٹی اسسٹنٹ کمشنر اوستا محمد رمضان اشتیاق، ڈی ایس پی پولیس اوستا محمد داؤد کھوسہ، ایم ایس ٹی ایچ کیو ہسپتال ڈاکٹر زین و چندی تپّہ غاتیان تعلقدار عالم دینک بشخ ہلکر۔ دیوان نا وخت آ ربیع الاول نا مقدس آ دے تیٹی اڈ ہلوک محفلِ میلاد، جلوس و مذہبی مچی تا بابت انتظامیہ نا کنڈ آن ہرفوک گام گیج آتا جاچ ءِ ہلنگا۔ شریدار آتے جتا جتا مذہبی پروگرام آتا شیڈول، جلوس آتا روٹ، حساس ہند، گمانی السی رش و ایلو اہم باندات آتا بابت بریفنگ تننگا۔