ایس ایس پی پشین نا کارروائی، دزی نا واقعہ غاتا زموار 6 دوبہ دار دزگیر
Get real time updates directly on you device, subscribe now.
پشین، ایس ڈی پی او سید عظمت حسین شاہ گیلانی پارینے کہ ایس ایس پی پشین نوید عالم نا خاص پارت آ پولیس اسپیشل نیٹ ورک نا کمک اٹ دُزی نا واقعہ غاتا برخلاف کارروائی تے ترند کرسا تدوک آ مسہ دے آ جتا جتا واقعہ غاتیٹی اوار 6 شکبر بندغ آتے دزگیر کرے۔ سید عظمت شاہ پارے کہ دُزآک جتا جتا ہند آتیان موٹرسائیکل، موبائل فون و ایلو نہادی گڑا دُزی کننگ اٹی متحرک ئسر، وخت اس کہ منہ واقعہ غاتیٹی دُزی مروک گڑاتا بہا و ہلنگ نا باندات ہم مون آ بسنے۔ واقعہ غاتا بابت معلومداری مچ کننگ آن پد پولیس شکبر بندغ آتے دزگیر کرسا جاست پاست نا بناءِ کرینے۔ دا ہیت ءِ او پولیس لائن پشین اٹی میڈیا ہاؤس پشین نا نمائندہ غاتے بریفنگ ترسا کرے۔ دا وخت آ ڈی ایس پی (یو ٹیز) محمد اکبر، غضنفر بگٹی، عتیق الرحمن، ایس ایچ او چوہدری محمد ادریس تون اوار واپڈا کارندہ غاک ساڑی ئسر۔