کوئٹہ، ایف آئی پی وی و او پی وی پولیو مہم نا بابت دیوان
Get real time updates directly on you device, subscribe now.
ڈپٹی کمشنر کوئٹہ مہر اللہ بادینی نا کماشی ٹی ایف آئی پی وی و او پی وی پولیو مہم نا بابت اہم ءُ دیوان اس اڈ ہلک، ہراٹی وفاق المدارس نا نمائندہ، پرائیویٹ اسکول ایسوسی ایشن، محکمہ تعلیم، پولیس و محکمہ جانجوڑی نا تعلقدار افسر و کارندہ غاک بشخ ہلکر۔ دیوان اٹی 31 اگست آن بنامروک خصوصی پولیو تور مہم نا بست و بند و سُج پام نا جاچ ءِ ہلنگا۔ دا مہم نا وخت آ کوئٹہ نا کل سرکاری و پرائیویٹ اسکول و مدرسہ غاتیٹی ودی مننگ آن 5 سال اسکان وئی انا چناتے پولیو ویکسین خلنگ و پڑی کنفنگ کن جامع پلان جوڑ کننگاؒ ڈپٹی کمشنر کوئٹہ مہر اللہ بادینی تعلقدار محکمہ غاتے پارت کرے کہ مہم نا وخت آ کل اسکول و مدرسہ غاتیٹی بھرمی بست و بند ءِ پک کننگے و پک کروک وئی انا کل چناتسکان ویکسین نا رسینگ گیگ ءِ پک کننگے۔