پاسداران انقلاب امریکہ تون مذاکرات نا ٹرمپ نا دعویٰ غان نمن

ایران نا پاسداران انقلاب نا ترجمان بریگیڈیئر جنرل حسین محمدی امریکی صدر ڈونلڈ ٹرمپ نا ہمو دعویٰ ءِ سختی اٹ مسترد کرینے ہراٹی او پاسداران انقلاب تون ڈکوئی اٹ مذاکرات نا ہیت کریسس۔ سرکاری حوالکاری ادارہ ‘تسنیم’ تون ہیت وگپ کرسا بریگیڈیئر جنرل حسین محمدی پیدوار کرے کہ ‘پاسداران انقلاب نا کمامدار و امریکی تا نیام اٹی ہچ ءُ وڑ اسے نا ہچ ءُ مذاکرات اس متنے۔ او امریکی صدر نا دعویٰ غا سخت تنقید کرسا پارے کہ ‘ٹرمپ نا دا دروغ بیرہ اونا ہمو نیم خامہ خیال آک ءُ ہرا اودے جنگ اٹی مروک شکست و نااومیتی نا سوب آن ودی مروک وہم و گڑیفوک آ تغ تا سوب آن تمنگ اٹی ءِ۔ ترجمان امریکہ نا مستین نا پالیسی تا حوالہ ترسا پارے کہ ‘امریکہ نا کنڈ آن وعدہ خلافی و معاہدہ غاتا وار وار خلاف ورزی تا آزموندہ غاتے مون آ تخسا دا وخت آ دا پڑ آ ہم امریکی تتون ہچ ءُ مذاکرات اس مفننگ ءِ۔