بنگلہ دیشی وزیراعظم طارق رحمان نا دورہ بھارت منسوخ

بنگلہ دیش نا وزیراعظم طارق رحمان نا بھارت نا دارالحکومت نئی دہلی نا دورہ ءِ منسوخ کننگانے۔ بنگلہ دیش نا وزارتِ خارجہ پک کرسا پارینے کہ دورہ کن گچین چاگڑد اس ودی کننگ نا گرج ءِ۔ بنگلہ دیشی وزارتِ خارجہ نا ترجمان اے کے ایم شاہد الکریم وزارتِ خارجہ ٹی پریس بریفنگ نا دوران دورہ ءِ منسوخ کننگ نا پڑو کرے۔ داکان مست بھارتی میڈیا گمان کریسس کہ طارق رحمان بروک آ ہفتہ ٹی اِرا دے ئی دورہ غا بھارت آ بریک۔ وخت اس کہ ڈھاکہ ٹی بنگلہ دیشی کمامدار آک ہم تدوک آ ہفتہ وزیراعظم نا دورہ بھارت نا تیاری تا اشارہ تسوسر۔