نصیرآباد اٹی بی ایس ڈی آئی نا رداٹ پوسکنوڑ فلٹریشن پلانٹ نا باقاعدہ بنا
Get real time updates directly on you device, subscribe now.
نصیر آباد، ڈپٹی کمشنر نصیر آباد وریندر لعل و ونگ کمانڈر کرنل رضوان طیب ایس ڈی او بلڈنگ عابد علی پہنور و پی ایچ ای نا سب ڈویژنل افسر جاوید بلوچ تون اوار بلوچستان اسپیشل ڈویلپمنٹ انیشیٹو (BSDI) نا رداٹ ریلوے اسٹیشن نصیرآباد آ بھلو کچ اسے ٹی زر انا خڑچ آن تفنگوک پوسکنوڑ آ فلٹریشن پلانٹ نا باقاعدہ بناءِ کریر۔ دا وخت آ اسسٹنٹ کمشنر بہادر خان کھوسہ و ایلو تعلقدار محکمہ غاتا افسر و کارندہ غاک ہم ساڑی ئسر۔دا وخت آ بریفنگ ترسا پاننگا کہ فلٹریشن پلانٹ جوڑ کننگ نا مسخت ریلوے اسٹیشن بروک مسافر و شاری تے سفا و رکھوک دیر فراوان کننگ ءِ۔ دا ڈٹ نا پوروی آن نئے بیرہ ریلوے اسٹیشن آ سفر کروک مسافر آتے سفا انگا دیر انا آسراتی دوئی مریک بلکن اسٹیشن نا ایب کیب اٹی رہینگوک شاریک ہم دا آسراتی آن فائدہ ہرفنگ کیرہ۔ فلٹریشن پلانٹ نا فعال مننگ آن علاقہ ٹی سفا انگا دیر انا گرج آتے پورو کننگ اٹی ہم نمان کمک رسینگک۔ داوخت آ ڈپٹی کمشنر نصیرآباد وریندر لعل پارے کہ حکومت بلوچستان الس ءِ بنداوی آسراتی تا فراوانی کن بھرمی و عملی گام گیج کننگ اٹی ءِ‘ جانجوڑی، تعلیم و سفا انگا دیر انا فراوانی حکومت نا اولیت آتیٹی اوار ءِ۔