یوکرین اٹی روسی ڈرون جلہو، لمہ و 9 سال نا مار اس زوال
Get real time updates directly on you device, subscribe now.
کیف ، یوکرین نا قطبی علاقہ سومی ٹی روسی جیٹ انجن آن چلینگوک آ ڈرونک اسہ اُراسے شست کریر ہرانا سوب آن اسہ 29 سال انا زالبول و اونا 9 سال انا مار زوال مسر، وخت اس کہ چار پین بندغ ٹھپی مسر۔ درملکی خبر رساں ادارے نا رداٹ علاقائی فوجی انتظامیہ نا سروک اولیہ ہری ہوروف پارے کہ جمعہ نا سہب انا مروک جلہو اٹی زوال مروک آ چنا نا باوہ و بلہ تون اوار چار بندغ ٹھپی مسر، ہرافتے ہشنگ انگ ناسوب آن ہسپتال آ گدریفنگانے۔ ایلو کنڈآ دے ٹکی یوکرین نا دونیتسک علاقہ ٹی روسی گلائیڈ بم ہندی علاقہ غا تما، ہرانا سوب آن 10 منزلہ اپارٹمنٹ ماڑی نا 6 منزل تمار۔