وزیر اعلیٰ، اسپیکر بلوچستان اسمبلی تون ہڑزخواہی کن اُرا غا تے ہنا

چمن، وزیراعلیٰ بلوچستان میر سرفراز بگٹی چمن اٹی اسپیکر بلوچستان اسمبلی کیپٹن (ر) عبدالخالق اچکزئی نا اُرا غا ہنا و اونا ورنا غا مار ثناء اللہ نا کزیت آ اسپیکر بلوچستان اسمبلی و پدخاہوت تون است ہسونی و ڈکھ انا درشانی ءِ کرے۔ وزیراعلیٰ میر سرفراز بگٹی ایماندار کن دعا پاتیہ کرے و بخشش، درجہ غاتا بڑزی و ایصالِ ثواب کن دعا پاتیہ کرے۔ او پارے کہ ورنا انگا مار انا کزیت لمہ باوہ و پدخاہوت کن بھاز بھلو ڈکھ و ارمان اس مریک۔او دا مشکل و غم انا ساہت اٹ اسپیکر بلوچستان اسمبلی و پدخاہوت نا ڈکھ اٹی بریبر اوار ءِ۔ وزیراعلیٰ دعا کرے کہ اللہ تعالیٰ ایماندار ثناء اللہ ءِ جنت الفردوس اٹی بڑزکو ہند اس عطا کے‘ اودے بشخے و اسپیکر بلوچستان اسمبلی تون اوار پدخاہوت ءِ دا پورو مفروک نسخان ءِ سگ و استقامت اٹ سگنگ نا توفیق ایتے۔