پاکستان نا چینی تلارگڑد نا زوال آ ارمان، میت ءِ پدی راہی کن کمک کننگک
Get real time updates directly on you device, subscribe now.
اسلام آباد، پاکستان براڈ پیک گلگت بلتستان اٹی برف انا کرود نا تمنگ آن زوال مروک چینی تلارگڑد (کوہ پیما) نا میت ءِ وطن پدی راہی کننگ کن چین ءِ پورو آسراتی و کمک نا باوری کرفینے۔ چینی سفیر جیانگ زی ڈونگ شکست آن دمدستی پد فراوان کروک کمک آ پاکستان نا منت واری ءِ ہرفے۔ ترجمان دفتر خارجہ طاہر اندرابی نا رداٹ چینی سفیر جیانگ زی ڈونگ نائب وزیراعظم و وزیر خارجہ اسحاق ڈار تون وزارتِ خارجہ ٹی اوڑدہی کرے۔ اوڑدہی نا وخت آ اسحاق ڈار براڈ پیک اٹی چینی تلارگڑد نا کزیت آ ڈکھ وارمان کرے۔ نائب وزیراعظم باور کرفے کہ زوال مروک چینی تلارگڑد نا میت ءِ وطن پدی راہی کننگ کن ہر وڑ انا کمک فراوان کننگک۔