پاکستان و چین نا ایلمداری آزمودہ کار ءِ و وخت انا ہر تنکی آ مدام پورو سلیسنے، فیلڈ مارشل سید عاصم منیر
Get real time updates directly on you device, subscribe now.
راولپنڈی،آئی ایس پی آر نا رِد اٹ جی ایچ کیو راولپنڈی ٹی چین نا پیپلز لبریشن آرمی (پی ایل اے) نا جوڑ مننگ نا 99 میکو سال دے نا دود انا بست و بند کننگا، ہراٹی چین نا دفاعی اتاشی میجر جنرل وانگ ژونگ و چینی سفارتخانہ نا کمامدار آک بشخ ہلکر۔ دود اٹی پاکستان نا ہر مسٹ آ سلہہ بند فوج انا سینئر افسر آک ہم ساڑی ئسر، چیف آف ڈیفنس فورسز فیلڈ مارشل عاصم منیر شرفمند مہمان تے بخیر کرے‘ دا وخت آ فیلڈ مارشل سید عاصم منیر پیپلز لبریشن آرمی ءِ 99 میکو یومِ تاسیس آ مبارکبادی تس و چین نا دفاع، قومی شونداری و جہانی امن و سلامتی کن پی ایل اے نا نمان خذمت آتے خراجِ تحسین پیش کرے۔ فیلڈ مارشل سید عاصم منیر پارے کہ پاکستان و چین نا ایلمداری آزموندہ غاتیاٹے و وخت انا ہر تنکی ٹی مدام پورو سلیسنے، پاک چین ایلمداری بدل مروک علاقائی و جہانی چیلنج آتیان پد ہم مدام سوگو سلیسنے۔ او مستی پارے کہ پاک فوج و پی ایل اے ڈیہہ ٹی امن، سوگوی و اسیجائی اسٹریٹجک فائدہ غاتا رکھ اکن راستی شریدار ءُ۔