کمانڈنٹ ایف سی پنجگور نا کارکڑد ستا کڑزک، آل پارٹیز
Get real time updates directly on you device, subscribe now.
آل پارٹیز پنجگور نا کنڈ آن پنجگور نا ہڑتوم آ سیم (بارڈرز) جیرک و چیدگی ٹی نوبت لسٹ آتیٹی ودکی نا بابت اسہ پریس کانفرنس اسے ٹی کمانڈنٹ ایف سی پنجگور رائفلز میجر جنرل ظفر اقبال نا الس دوست پالیسی آ خوشی نا درشانی کننگا و پوریاگر تپہ نا کنڈ آن اونا الس دوست گام گیج آتے ستا کڑزوک گوندنگا۔ آل پارٹیز نا راہشون حاجی محمد ایوب دہواری، ملا فرہاد، مولانا علی احمد، یاسر علی بلوچ، لعل دوست شعیب و ایلوفک پریس کانفرنس آن تران کرسا پاریر کہ السی استخواہی و سیاسی پارٹی تا خواست آ کمانڈنٹ ایف سی پنجگور رائفلز میجر جنرل ظفر اقبال نا جہد و آئی جی ایف سی ساؤتھ نا جندی استخواہی آ جیرک بارڈر نوبت لسٹ اٹی 175 آن ودکی کرسا داسہ 269 کننگانے و چیدگی نوبت لسٹ ءِ 125 آن ودفسا 188 کننگانے۔ دا الس دوست پالیسی آن الس و خاص وڑ اٹ پوریاگر تپہ بھاز خوش مسنے۔ پنجگور (نامہ نگار)